【胡定欣話雙倍奉還】陳山聰:我又離多次婚

    唔好嚇人喎﹗

    藝人陳山聰與胡定欣等到油塘宣傳主演的劇集《同盟》,他透露結局周劇情反覆,更有人忠奸難辨,而演慣奸角的他保證今次不會變奸。

    講到山聰在社交網站大呻與林夏薇齊被「放飛機」,他笑言:「就生日嗰位(胡定欣9月9日生日)冇嚟囉,我又離多次婚喇!我同胡定欣離婚呀!當日同薇薇都唔使拍劇,諗住叫埋定欣出嚟慶祝,佢都話出嚟㗎,咁我哋訂晒位但有人最後又冇到囉!我同Apple(山聰女友)、薇薇同佢老公四個,個經理真係推個蛋糕出嚟問邊個生日,問完薇薇又問Apple,結果我哋自己慶祝,然後影番相畀佢睇囉。(再約過?)睇吓佢得唔得閒囉!(佢正日係咪約咗男仔?)唔知喎!如果佢約男友我哋一班兄弟姊妹唔會阻佢!」

    而定欣面對山聰的「指控」,笑言:「我前日喺馬來西亞返,可能機上空氣唔好,搞到鼻敏感流鼻水,最後冇出嚟。估唔到薇薇老公仲準備蛋糕畀我,見到相真係好感動!我應承佢哋下次雙倍奉還㗎!(約咗男仔所以甩底?)有都好呀,但我唔會重色輕友。(生日party排到滿?)正日約咗『胡說八道會』!」

    (東方日報)

    SHARE