台灣型男何潤東去年迎娶拍拖多年嘅圈外女友Peggy，二人婚後不時喺社交網站大放閃光彈～
呢日何潤東就喺社交網站上載咗佢哋兩公婆去西班牙度假嘅靚相。
相中何潤東同Peggy齊齊坐咗喺地，而且Peggy仲好似幫Peter綁緊鞋帶，睇見Peter望住老婆嘅嗰種深情眼神，真係隔住個mon都覺得好sweet呀！
其實Peggy並唔係幫何潤東綁鞋帶，而係喺佢對鞋上面綁尼龍繩，遇着咁古靈精怪嘅太太，都唔知好嬲定好笑。
不過何潤東就留言話：「從今往後，你在這裡想無理取鬧就盡盡的無理取鬧，甚麼都不用管〜這個女人我要定了。」
唔少網民都話就快畀佢閃到眼都盲，仲有人話佢係愛妻狂魔！
(on.cc 東網)
