今年八月藝人林盛斌（Bob）第四度榮升爸爸，本身已經有三個可愛囡囡嘅佢，其太太Pearl幫佢生咗「慈姑椗」，一家六口樂也融融！
今日Bob嫂喺社交網站宣布為囝囝改咗名，叫「Jaye林道申」，同時更宣布「封肚」，佢留言：「正式宣布：收工。Faye 林霏兒、Haye 林熹兒、Kaye 林機兒、Jaye 林道申，夠曬（晒）數！」
問到關於囝囝改名一事，佢話：「個道字係跟族譜，之後我再搵師傅改名，佢畀幾個我哋揀，我哋揀咗呢個，有個生命堅持嘅意思，有個延伸、向前嘅感覺，希望佢喺正確嘅道路上申明堅志。至於英文名，三個家姐英文名係aye尾，Faye啦、Haye啦、Kaye啦，所以到囝囝就揀用Jaye啦，Check過都係男仔嘅英文名，個名改咗都幾得意，好似大家有個延續咁，希望佢快高長大，開開心心。」
(on.cc東網)
