【撞樣袁偉豪、薛世恒一齊講舊愛】大方憶述岑杏賢陳法拉

藝人袁偉豪與薛世恒齊齊亮相big big channel,這對「撞樣孖寶」分享對愛情、友情等的看法,直播期間,主持人發現袁偉豪舊愛岑杏賢亦有進入聊天室,袁偉豪向舊愛打招呼,並爆她一件瘀事,他說:「Hi!咁得閒嘅?你入嚟就要講個秘密畀大家知,你唔介意呵?走咗未先?仲喺度呀?呢個故事好好笑,發生喺幾年前,嗰時我同薛世恒、岑杏賢都係初認識,岑杏賢唔知薛世恒係邊個,有次佢就對住薛世恒話:『你好熟口面,好似陳法拉老公!』,講完呢句說話,同場其他人一個擰轉面、一個扮打機,薛世恒就話:『我入廚房洗碗。』」

岑杏賢有眼不識薛生,難怪袁偉豪都覺得好笑,薛世恒憶述這宗關於前妻陳法拉的舊事,他說:「都唔使解圍,我當時感受唔到尷尬,只係覺得現場好似結咗冰咁嘅氣氛!」

袁偉豪對於有網友讚她與岑杏賢再見亦是朋友,非常大方,他對聊天室中的岑杏賢說:「離開未呀?咁得閒嘅!其實岑杏賢都好大方,畢竟大家陪住對方行咗一段時間,都想大家開心,多謝網民讚我大方,我都讚岑杏賢大方。」

袁偉豪又被主持試探,要他在開live期間,自己開現任女友張寶兒名,他說:「開名都冇所謂,但佢開緊工,你講緊張小姐?」藉此輕輕帶過。

而薛世恒對於有網民建議他與袁偉豪組男版孖仔組合,他說:「我唱歌呃到人!我都唔介意被指『翻版袁偉豪』。」袁偉豪則藉機讚自己,他說:「我都唔介意,咁靚仔!」

(東方日報)