【被指家庭好有問題】魔童校長要求見家長

靚靚講到:「因為有次校長打畀張智霖要求見面,話我哋呢個家庭好有問題。原來魔童話畀校長聽。。。藝人袁詠儀(靚靚)接受鄭紹康主持的有線奇妙電視節目《天下第一Friend》訪問,快人快語的她笑言當年參選港姐是因為覺得自己靚:「不過入行後見到朱玲玲同李美鳯,嘩!佢哋真係靚到不得了,我即刻同自己講:『袁詠儀你改戲路啦!仲諗住做靚女,你死梗啦!』」

胡亂投訴闖禍

靚靚自認成為1990年香港小姐冠軍及最上鏡小姐後年少輕狂,遇上不合理的劇本,竟然直接向監製投訴,不得要領後,又改向傳媒投訴:「我最錯就係同記者投訴,咁大間公司點容得下我胡言亂語!(被照肺?)冇照肺,係直接入肉!」

演技是天生的

事後被投閒置散主持音樂節目,靚靚說:「我又唔識唱、又唔識歌,連歌手名都唔係好清楚,更加唔鍾意主持節目,所以咪意興闌珊囉!」幸好柯受良當時找她拍第一部電影,不久更摘下新人獎,她得戚地表示演技這方面是天生的。

第時一定多人追

靚靚又斬釘截鐵指仔仔張慕童(魔童)沒有遺傳她和張智霖的演藝才華:「佢啲戲好屎!基本上我都唔想佢做呢行,因為佢有我同張智霖呢對父母,入行嘅話肯定會比其他人辛苦百倍!」在靚靚眼中,「魔童」不但有梁朝偉的外表,還有周星馳的性格:「佢外表斯文靚仔,性格風趣幽默,第時肯定好多女仔鍾意!」

要畀時間兒子玩

她與張智霖對「魔童」教導有方,不過靚靚承認自己也有過做「怪獸家長」的時候,幫魔童的時間表排得密密麻麻,直到有次見家長,被當頭棒喝。靚靚說有次見家長,老師問魔童平時做甚麼:「我好勁咁數晒佢星期一至五有咩堂要上,跟住老師問:『咁佢玩嘅時間呢?』我聽到呢句說話就好似畀大盆冰水照頭淋,張智霖仲要在旁細細聲話:『係啦,我都話咗佢㗎啦,佢係要咁!』嗰吓我真係想樁埋去,不過之後我真係放棄咗做怪獸家長!」

魔童望行紅地氈

原來靚靚和張智霖直到近年才告訴魔童父母的職業是演員。靚靚大笑說:「因為有次校長打畀張智霖要求見面,話我哋呢個家庭好有問題。原來魔童話畀校長聽爸爸之前做警察,最近就賣壽司。哈哈!所以我哋先同學校講清楚我哋嘅職業係演員,而魔童知道我哋係演員後,只係問點解唔帶埋佢去行紅地氈!」

(東方日報)