【難怪小小超認定】25歲郭嘉文確係得

25歲港姐郭嘉文成功搵到50歲「巨鑽級筍盤」小小超李澤楷,有傳出入有司機接送,3月同大台約滿即閃,做跟得女友,更有指郭嘉文以個人名義,購入嘅逾1億九龍塘逸瓏天池屋係小小超送贈。

不過郭嘉文確係俘虜小小超有法,見佢就算同小小超拍拖,Ig都唔算特別炫富,據知買嘢都幾慳家,絕對唔係大花筒嚟,今日有周刊爆郭嘉文喺小康之家,生活好節儉,日前佢素顏同家人行街,都係食下pizza,同睇啲減價波鞋同電器,冇行啲名店,郭嘉文食完嘢,俾錢又會拎coupon留下次用,夠晒精打細算,又貼地,身為細女嘅郭嘉文,仲不時向家姐同爸爸撒嬌。


難怪小小超咁錫呢個慳家女友,今年5月被影到小小超揸戰車載住郭家文現身灣仔合和中心附近,戀情打得火熱,5月尾又被見到喺新加坡外遊,郭嘉文更抱實小小超。認定呢位「楷女郎」。

(蘋果日報)