范冰冰36歲生日，男友李晨求婚成功！之後，網上流出咗疑似李晨求婚現場相，場地以粉色系做主打，勁夢幻又有少女風！
現場又布置咗勁多花花，真係浪漫到暈！
冰冰生日，蛋糕當然唔少得，相中所見現場至少有八個蛋糕，而且啲蛋糕都好有心思，其中四個蛋糕以冰冰愛貓造型而設計，真係冧爆！
冰冰屋企人都喺現場作見證，仲「一家人」齊齊合照添。
有指李晨早於一年前已經託俄羅斯藝術家Marina Bychkova訂造新娘娃娃。
起初其實藝術家並唔接受李晨要求，不過李晨冇放棄過，用E-mail同藝術家聯絡咗四個月，期間仲畀埋冰冰嘅相同埋影片，兼講埋佢兩個嘅愛情故事，終於打動對方！
最終李晨花費30萬美金（約230萬港元）打造全亞洲第一個、用冰冰個樣做嘅專屬新娘娃娃！
（on.cc 東網）
