【梁朝偉周星馳混合體】Chilam讚魔童:佢係屋企嘅潤滑劑

    另外,最近Chilam屋企養多隻狗囝囝,靚靚取名為「來福」,因為原本已經有一隻狗狗叫做。。。

    張智霖(Chilam)今日喺尖沙嘴出席愛護動物協會活動,獲委任為愛心大使。

    最近Chilam屋企養多隻狗囝囝,靚靚取名為「來福」,因為原本已經有一隻狗狗「帶金」,兩隻狗各自霸地盤,關係一度緊張,但經過兩星期相處,o依家已經可以一齊玩,Chilam話:「我一直都想養多啲動物,想養一大缸魚、貓,想爭取多啲生氣。」

    講到太太靚靚之前講過話囝囝係梁朝偉同周星馳嘅混合體,怕將來會冧死女,Chilam就咁答:「媽咪永遠睇個仔都係高分數,我就理性啲,邊有咁好?佢的而且確係有幽默嘅一面。」連Chilam都話好欣賞個仔幽默一面,仲爆兩父子成日互相講笑,笑騎騎,佢仲話個仔係屋企嘅潤滑劑,Chilam話:「有時我哋(指兩公婆)意見不合,氣氛緊張嘅時候就靠晒佢,佢就會喺度跳蛇舞。」睇嚟囝囝呢個時候真係發揮到作用喎。

    (蘋果日報)

    SHARE