【洪天明一家四口一齊喊】同囝囝講視像電話講到喊 

周家蔚出席活動,問到她老公洪天明是否已約定一家人共賀中秋。

她說:「天明依家喺馬來西亞工作,佢同兩個仔講視像電話嘅時候喊晒,話好掛住屋企,兩個仔同我都有喊,天明中秋節應該會返嚟一齊慶祝。」

問到老爺洪金寶嘅膝蓋手術好番晒未,周家蔚表示:「我兩個仔都有關心爺爺,做完手術係應該靜落嚟,但爺爺係唔停得落嚟。」

家蔚又提到向兩子灌輸關心社會、幫助別人訊息。

「之前都有帶佢哋去玩遊戲,係從事唔同職業,再賺啲錢,然後用嚟買嘢,我都有教佢哋捐錢,另外我都有畀佢哋睇啲戰爭中嘅小朋友嘅紀錄片,又講佢哋知,世上有啲小朋友畀人捉咗,然後叫佢哋去乞食,呢啲要畀佢哋知,其實佢哋都算幸福。」

(on.cc 東網)