【原來B囡喺呢日出世】郭富城:第一次抱囡囡好似抱住自己

    51歲嘅郭富城喺今年完成兩個重要嘅人生大事,先係喺今年4月同大陸女模方媛(Moka)結婚,正式成為人夫,前日又喺微博貼一家三口勾手指相,宣佈榮升爸爸兼留言:「開心!我們仨!」

    今日有周刊報道,本來Moka嘅預產期喺9月中,點知喺9號嗰日有作動嘅跡象,本來喺佛山開工嘅城城,收到通知之後,即刻趕漏夜趕返嚟香港,最後喺10號生咗B女。

    做咗爹哋嘅城城,喺劇組嘅配合下,可以有一個禮拜嘅湊女假期,聽講囡囡眼大鼻高,同爹哋成個餅印!城城接受周刊嘅訪問,佢話第一次抱住BB嘅感覺好難去形容,望住BB,好似抱住迷你版嘅郭富城,嫲嫲當然覺得好開心。

    城城o依家已經回歸劇組,佢除咗每一日同老婆視像之外,一有空檔就會返香港湊b。

    (蘋果日報)

    SHARE