【童星個個越大越靚】一眼認出﹖定冇咩印象﹖

    戴夢夢細細個就加入咗娛樂圈,以童星身份參加過唔少演出,o依家人大咗,換咗個身份繼續投入喺呢個圈子。

    大家千祈唔好睇小女童星,好多人都越大越靚,唔係淨係靠細細過嘅名氣支持。

    好似唐寧咁,o依家37歲有一仔一女,但仍然keep得住個少女樣,驟眼睇以為佢冇長大過。

    黃美棋小時候同樣都有副包包面,9歲已經同星爺拍過戲,大咗之後繼續喺娛樂圈工作,有時行下騷,早前又為HKTV拍過劇,o依家尖尖面完全係美人胚子。

       

    李蘊曾經加入過少女組合Cream,出過組合唱片、個人單曲,又拍過電視劇。但之後好低調,幾乎絕跡娛樂圈,16年同拍拖三年嘅生意人羅章冠喺海南補擺喜酒,o依家花好多時間湊仔女。

    通常見到李蘊嘅場合,都會見埋佢兩位姊妹G.E.M.同何超蓮。

    近年嘅童星,以莊錠欣就最有前途。呢個女仔喺TVB拍過劇,曾經係家燕媽媽藝術中心嘅成員,前年成功進軍韓國,加入女團Crystal Clear,成為韓星泫雅師妹。

    (apple daily)

    SHARE