【唔記得仔仔幾歲生日】Feynman變得大隻 吳鎮宇:唔認得佢

吳鎮宇、余香凝及胡子彤等到沙田城門河拍攝新片,眾男演員親身上陣,烈日下在龍舟上演戲。

提到鎮宇日前為兒子Feynman慶祝9歲生日。

他說:「係呀,佢唔知9歲定10歲生日。」之後吳鎮宇表示:「年年都有唔同卡通造型」而今年仔仔就著《龍珠》衫慶生。

講到太太難得出埋鏡,吳鎮宇:「張相唔係我放,都放咗出嚟,都冇得介唔介意。」

提到有網友話Feynman好大隻,吳鎮宇就話:「佢係骨架大嘅人,啲骨大過我,如果可以時空穿梭,我諗會唔認得佢。因為佢細個同依家唔同,但依家咁佢會放膽啲同人傾偈,我只要叫佢唔好推人就得,唔擔心佢畀人推跌!」

問到有冇留意仔仔嘅磅數,吳鎮宇坦言:「冇,有睇住啲飲食,佢喺屋企都係食菜,冇乜食快餐,但出到街見到有肉食就好開心。」

(on.cc 東網)