吳彥祖同馮德倫當年憑電影《美少年之戀》結緣，馮德倫首次執導嘅電影，都搵埋吳彥祖嚟出演，可見二人老友鬼鬼。
日前就係吳彥祖嘅43歲生日，作為好兄弟嘅馮德倫喺社交網站甫出二人嘅合照，並留言：「Happy birthday my friend @吳彥祖」
相中二人鬚根盡現，可謂佬味十足！雖然佢哋兩個都已為人夫，不過就未見二人嘅太太，而吳彥祖身邊就有一個小妹妹，而且仲遮住咗個樣。
好多網民都猜測係吳彥祖嘅囡囡，唔少網民都話時間過得真係快。
以前嘅美少年依家都做咗人哋老公，亦有人問吳彥祖都做咗爸爸，幾時輪到馮德倫喎！
（on.cc 東網）
