【林珊珊大女30歲生日】一家四口激罕合照

當年嘅「三個小神仙」林珊珊喺23歲時奉女成婚，大住肚飛美國嫁前香港飛魚李啟淦，轟動娛樂圈，兩人育有長女李澄（西瓜）同細女李怡（野人），可惜婚姻僅4年玩完。o依家林珊珊已經53歲，西瓜亦喺上月尾踏入29+1，細妹野人喺社交網貼一家四口相為胞姐慶生。

有傳當年李啟淦因為有第三者，所以搞到離婚，兩個女就跟媽咪生活，「一家四口」激罕晒合照，珊珊同大女西瓜餅印一樣，野人留言：「今年家姐生日，媽咪同我安排咗一個驚喜俾佢。我自己再搵咗一個機會去俾多個驚喜俾佢。由兩年前開始，佢成日好怕30歲嘅來臨或會覺得自己有好多事情上未做得好好。所以我想俾一個好嘅回憶佢，令佢回想起呢一日係會開心嘅。希望你感受到。甚麼事情也好，我一直都會支持你，家姐，我愛你！」西瓜冧爆回覆：「gum sweet gei love you too.」認真姊妹情深。

(蘋果日報)