【可以喊出個海洋】岑潔儀:希望下年有好消息

    藝人岑潔儀(Zoey)出席活動,她表示現年兩歲半的兒子Damian就讀幼兒班,見證第一天上學時更感觸落淚,兒子更喊足一個月,她說:「送到佢返學見佢喊,見到嗰刻我都忍住,出到去先喊。我覺得小朋友長大得好快,個感觸好深,可以喊出個海洋,但佢都已經適應咗,丟低媽咪返學。(有諗住追多個?)會呀,努力緊,希望下年有好消息。(有問囝囝?)佢話no,唔要呀。(追個囡囡?)我自己鍾意女仔,但老公係傳統客家人,鍾意仔仔多啲,想生幾多個都OK嗰啲人。(係咪陪踢波?)可能係,老爺都係鍾意仔,而仔仔同老公成個餅印,我就好想要個女仔幫佢扮靚,可以似我。」

    Zoey透露嚟緊會拍微電影及網劇,她表示方便遷就時間照顧小朋友:「囝囝返學,拍呢啲就冇咁困身,其實有電視台都有邀請我拍啲性感角色,不過推咗,覺得依家唔應該行性感,留番畀後生,自己想拍啲角色適合同健康形象。(同老公有約法三章?)有,佢唔鍾意我性感,但其他都可以。」

    (東方日報)

    SHARE