【睇見都開心】「千億新抱」湊成兩個「好」

廣告

42歲嘅鄺文珣,育有兩子,分別係9歲嘅Cadence同7歲嘅Casper,今年佢成功再度懷孕,日前為老公應德榮,添一名千金Chesney,成功追女,真係可喜可賀!圈中其實都有好多藝人都有唔少成功例子…

廣告

廣告

廣告

陳茵媺(Aimee)
Aimee同陳豪13年喺巴嚟結婚,同年12月宣佈誕下大仔梓燁,15年2月二仔浩鋒亦出世,育有兩子嘅陳豪,就好想追多個女,最後佢哋成功咁三年抱三,小公主Camilla去年4月出世,好多人都戥佢哋高興。

謝安琪(Kay)
40歲嘅Kay上年演唱會之後,宣佈暫別樂壇,計劃同老公張繼聰追多個,兩人喺上年9月宣佈得償所願,喺facebook宣佈陀女,囡囡人妻謝安琪(Kay)自從今年3月生咗細女張靖(Karina),同哥哥張瞻相差十歲。日前Kay就抱埋囡囡一齊去賞月,唔係係咪怕人多,嚇到佢扁晒嘴。

廣告

林盛斌(Bob)
今年37歲嘅阿Bob,同老婆Pearl育有3個囡囡,到去年年底Bob嫂再度傳出有喜,而Bob終於打破外父相宿命,兩公婆今胎追仔成功。Bob仲幫囝囝改花名做「大兜仔」,「大兜仔」係8月出世。

徐子淇
「千億新抱」徐子淇06年嫁予恒基細少李家誠,婚後密密生,三年抱兩誕下大女李晞彤、二女李晞兒,為李家開枝散葉,10年子淇終於再度懷孕,仲要係「慈姑椗」,三仔俊熹11年出世,15年再生四仔建熹,湊成兩個「好」字。

(蘋果日報)