【父子擺甫士鬥Chok】曹格:跟最好的朋友在一起

曹格(Gary) 一向都係圈中數一數二嘅好爸爸,空餘時經常陪伴子女享天倫樂。

一對仔女曹三豐(Joe)同曹華恩(Grace)同佢感情都好好!

向來Gary都好鍾意同網友分享佢同仔女嘅生活點滴,好似呢日佢就喺社交網上載9歲Joe嘅相,仲留言表示:「跟最好的朋友在一起!哪裏都不重要!」

相中見到戴住黑超嘅Gary雙手插袋,父子二人一齊大擺甫士。

Gary就貫徹其Cool爆作風,相反Joe就展露佢燦爛嘅笑容,兩父子各有風格。

另一張相則見到Gary同Joe Chok到爆咁行路,兩個簡直好似行緊Catwalk一樣,難怪網民都留言大讚兩父子都一樣咁有型同埋感情真好,不過就有網民笑言Joe比爸爸更加青出於藍呀!

(on.cc 東網)