【黎諾懿湊仔=做Gym】有片!小春雞勁無奈

藝人黎諾懿近期就忙於拍攝無綫劇集《逆緣》,除咗拍劇之外,一有時間又要陪住老婆同囝囝「小春雞」,真係24小時都唔夠用!

不過幾忙都好,黎諾懿都依然會抽時間做gym,不過佢做gym嘅方式就相當另類!

呢日佢就喺社交網站上載咗一段做gym嘅影片,並留言:「善用時間的方法」喺片中黎諾懿並唔係舉啞鈴,而係舉佢個寶貝仔「小春雞」。黎諾懿不停咁抱開「小春雞」之後又將佢抱番埋自己度,呢個鍛煉方法真係夠晒獨特呀!

唔少網友都大讚黎諾懿好有諗頭,仲有人問佢有冇第二招,亦有人笑言小春雞表現得好無奈。

(on.cc東網)