【娛樂圈好多人撞樣】唔止佢哋,王浩信仲同「佢」撞樣…

    娛樂圈有唔少人都被指「撞樣」,首先有陳法拉前夫兼「Neway大少」薛世恒同袁偉豪。

    薛世恒更表示過:「試過畀Ben嘅朋友或合作夥伴認錯。」仲有小朋友認錯佢係袁偉豪,話要同佢影相。

    另外,蔡思貝更一直被同達哥撞樣。

    其實娛樂圈仲有一對好似樣嘅「兄弟」,就係王浩信同楊明。

    日前,王浩信出席無綫新劇《兄弟》拜神儀式。訪問時,王浩信表示劇集講述他與楊明、伍允龍的兄弟情,更笑指入行初期不少人覺得他與楊明撞樣。

    「依家睇Playback都覺得係兄弟,個樣都接近八成。(你似佢定佢似你?)互相都似,唔知係咪失散兄弟?佢大我少少,但佢個樣細我少少。(你Keep得唔好?)冇辦法啦,多嘢拍係殘啲!」

    王浩信經常同女拍檔傳緋聞,而今次就與文青女神江嘉敏多對手戲,問會否擔心跟對方傳緋聞:「唔怕,大家都係想做好個戲,希望各位高抬貴手。」又大讚對方喊功了得,有一場戲勁喊三個鐘,驚為天人。

    提到他與眾女角零親密場面,問老婆陳自瑤會否因此而非常放心,他謂:「佢每次都好放心,係唔知點解會有古怪報道,所以冇咩特別避忌,做演員都係做好作品為大前題。」

    (on.cc 東網)

     

    SHARE