恭喜恭喜！杏兒生咗喇！
BB係仔嚟嘅，已經出咗世幾日喇，重7-8磅，改名叫Brendan。老公李乘德（Philip）剛剛喺IG報喜，貼咗張佢抱B嘅相，用英文寫咗篇長文報喜，佢話太太雖然已經生咗幾日，但體力未回復，依家仲好攰，要俾啲時間佢休息，仲話多謝大家祝福。
Philip仲好自豪咁話囝囝肺量強勁！胡杏兒所屬公司發言稱杏兒已經出咗喇！Philip話，BB個名係佢發夢時「見到」，愛爾蘭人嘅意思係「王子」咁解。剛為人母嘅杏兒同步喺社交網貼圖，兩公婆用手圈成心心，包住囝囝隻手，然後寫「我們仨」。咦，同郭富城微博報喜話太太生咗一樣喎！
胡說八道成員紛紛祝賀，黃智雯狂貼心心，寫道：’Hello babe lee , welcome welcome!’恭喜晒李生李太！
(蘋果日報)
