大陸導演王岳倫女兒王詩齡（Angela）2013年參加大陸真人騷《爸爸去哪兒》而成為小童星。
Angela形象霸氣又成個小公主咁，原來唔經唔覺已經8歲喇！
呢日王岳倫太太李湘就喺微博上載多張生日Party相，個Party場地布置以粉紅色為主題，非常少女又夢幻。
除咗好多氣球，枱面又放晒一束束花球同蠟燭咁，仲見到其中一個蛋糕仲係三層高添，真係非常隆重呀！
Angela就着上一條閃爆長裙加頭戴花環，似足城堡入面嘅公主，果然萬千寵愛在一身！
李湘留言：「親愛的寶貝又長大了一歲！你已經是8歲的小姑娘了，爸爸媽媽祝福你，永遠是最幸福最快樂的天使！永遠愛你！」Angela亦大晒爺爺為佢畫嘅肖像畫。
唔少網民祝佢生日快樂又讚佢亭亭玉立，不過都有人留言話：「太奢侈了」又笑言「公主命」呀！
（on.cc 東網）
