張繼聰今日喺社交網上載兩張20年前的相，佢話喺網友send俾佢。
阿聰收到後即刻上載到社交網表示差不多二十年前，啱啱讀演藝學院，去咗拍電台劇賺吓外快。阿聰仲好感觸咁話：「我嘅青春⋯⋯係TVB反而未有機會同德斌合作過。#唔好打面系列」。
20年前嘅阿聰又真係幾青春，不過呢家就更man啦。
重點唔係阿聰個樣，而係網友嘅留言，網友話20年前的阿聰同日本型男木村拓哉撞樣，即時幫阿聰改埋姓，叫「木村繼聰」！
有粉絲仲話以為阿聰貼咗木村拓哉張相上去，更離譜嘅係話阿聰似《哈利波特》入面嘅榮恩。
不過都有啲網友就錯重點，走咗去睇黃德斌，大讚佢個樣20年都冇變。
(on.cc 東網)
