成龍同吳綺莉嘅女兒卓林，早前喺IG突然宣佈出櫃，公開同加拿大網絡紅人Andi拍拖。
卓林講過，就算俾1億佢都唔會同成龍相認，女友Andi怒稱：「卓林有名字，別只以『成龍的女兒』稱呼她！」
不過大家都想知道親生老竇成龍點睇呢件事？
成龍日前喺大陸出席活動，態度好冷淡咁講咗5個字：「她開心就好！」
唔少網民留言喪插成龍，有人覺得既然做得人老竇，點都應該盡番啲責任，亦有人覺得成件事最無辜係卓林，戥佢搵到自己嘅生活而開心！
唔知係咪呢5個字觸動咗吳綺莉，噚晚佢喺微博貼圖留言話：「根本就沒有什麼感同身受，針不紮在你身上，你永遠不會痛！」似乎係暗寸成龍。
有網民亦留言力撐吳綺莉：「人生都是公平的。前半生你太苦，後半生會很順利，歷經風雨過後就是彩虹。」、「一定堅強啊！孩子現在還小，叛逆，只要耐心等待，總會有長大懂事的一天！」
(蘋果日報)
