【Baby Lee好得意好靚仔】勁讚媽媽杏兒:母愛係咁堅強

姚子羚、李施嬅同大陸女星孟子義今日喺跑馬地出席《莎莎婦女銀袋日》記者會,子羚同施嬅擔任模特兒,子羚露背,施嬅就露腰,施嬅笑言最近努力操肌有成果,佢話:「因為受子羚感染,o依家開始食素,瘦咗好多,係一個瘦身嘅好方法,狀態都好啲。」

子羚就話已經食咗兩年素。講到胡杏兒嘅BB,佢哋就好興奮咁話:「仲未見過,不過睇咗好多相,好得意,佢全相我哋都已經睇晒。」子羚仲笑話將蟲蟲圖案貼喺BB重要部位,佢話:「好靚仔,眼就似爸爸。」不過佢哋就話BB個樣日日變,仲話好恨見BB,佢哋話:「原來母愛係咁堅強,杏兒話比拍劇辛苦好多倍,不過佢都要我哋經歷,定欣都話佢轉變唔同咗,要做媽媽先知。我哋覺得佢好犀利,因為係全自然,好敬佩。」

(蘋果日報)