【小海綿見人就笑超乖】網民再次捕獲Angelababy孖囝囝返北京

Angelababy(楊穎)05年同黃曉明結婚後,今年佢就為曉明大哥生咗囝囝「小海綿」,榮升做人母嘅Baby,並未有放棄佢嘅演藝工作,休息咗一段時間佢就復出。

媽媽係好偉大嘅,Baby要應付工作之餘,都要照顧寶貝仔「小海綿」,日前佢就帶埋囝囝去咗上海出席活動。

活動後,Baby就帶住小海綿返北京喇!有網民就咁橋撞到Baby同囝囝,仲大讚佢好貼心咁照顧囝囝㖭!

網民話,見到Baby真係好瘦,湊仔就超級貼心同細心,而小海綿雖然只有九個月大,但係佢喺兩個鐘頭嘅機程入面,全程都好乖,又唔怕生保,見到人都會笑。

啲網民都忍唔住留言大讚:「黃曉明太幸福了」,而有網民就話,同Baby同嘅仲有一位中年女人,有指佢就係曉明大哥嘅媽媽,睇落佢哋婆媳關係都好好喎!

(蘋果日報)