【終於公開戀情!?】黃心美突然曬拖手照

    藝人黃心美自2015年與台灣老公Thomas離婚,回復單身後一直寄情工作,直至今年6月與陳安立(Brian)被拍得孖住放狗而傳撻着,但兩人齊齊開腔否認,緋聞疑幻似真。

    最近到冰島旅行嘅心美,昨日突然喺社交網上載一張與男士拖手照,疑似宣布有新戀情,雖然唔知心美身旁嘅男士係邊個,但見佢哋咁親暱,心美仲以兩個心心圖案去留言,似乎有好消息喎!

    唔少網民都戥心美高興,紛紛留言祝賀佢有新戀情,仲叫對方要好好照顧心美。

    另外,亦有網民問心美身旁嘅男士係咪緋聞男友Brian,但翻查Brian嘅社交平台,尋日佢先上載打籃球照,背景似乎身在香港,冇理由今日就喺冰島,除非…除非佢瞬間飛去地球另一邊,又或者擺舊相啦!

    (on.cc東網)

    SHARE