何鴻燊四房兒子何猷君前度嘅新加坡富商愛女林慧俐（Kimmy）喺今年7月誕下一名兒子。
Kimmy並將會喺明年搞婚禮。
日前，Kimmy為囝囝搞咗個豪華百日宴，並廣邀好友出席。
佢喺Instagram上載一段短片，片中見百日宴以遊樂園為主題，仲設有一個小型旋轉木馬畀賓客影相，布置得相當有童話格調。
其中講到最吸睛嘅一定係百日宴上有成近二十個巨型蛋糕出場，仲要款款造型精美，認真誇張！
不過，Kimmy喺片中就話啲Cakes係人哋送嘅，睇嚟佢啲人緣真係好好！
（on.cc 東網）
【認真誇張！】仔仔百日宴出動近20個巨型蛋糕
