藝人麥雅緻最近為老公張頴康誕下一名仔仔，組織四人家庭，今日張頴康喺社交網上載兩張全家福，見小豆嘟長個嘴仔，而細佬就擘大個口仔成個畫面又溫馨又可愛。
而好老公仲趁機多謝老婆完成佢組織一家四口嘅心願，仲話為咗報答老婆願意下世做女人生番BB。
張頴康說：「睇返（番）呢一個星期裡（裏）面影過嘅相，好鍾意呢兩張簡單嘅全家福！雖然唔係由攝影大師操刀，但係記錄咗我人生最重要嘅時刻！我一直希望擁有一個屬於自己嘅一家四口，我今日有喇！無論以後嘅日子點樣，我都會盡我能力保護我嘅家庭！多謝老婆用自己嘅身體完成咗我呢個願望！我老婆為我嘅付出，坦白講，我都唔知點還，點報答！希望下一世我可以做女人幫返（番）你生BB啦！」
（on.cc東網）
