吳若希（Jinny）喺今個月10號嘅時候就同老公Alex簽字，正式成為何太。
日前佢哋兩公婆就出發去咗歐洲影結婚相，順便去旅行。
今日Alex就喺社交網站上載咗一段短片，片中就見到Alex孭住唱緊《我們都受傷》嘅Jinny，而且佢哋仲不時互望添！
不過Alex孭Jinny住並唔係因為佢受咗傷，而係佢哋兩個想扮番胡鴻鈞喺《我們都受傷》嘅mv入面孭住Jinny嘅情節，唔怪之得Alex要tag埋Hubert啦！
唔少網民都話畀佢哋兩個閃親，亦有人叫佢哋兩個拍番個完整版嘅mv添！
(on.cc 東網)
