【兩個都咁得意】周汶錡:Jacques送便便畫畀我

    名模周汶錡(Kathy)以評審身份出席全港學生首飾設計比賽,她表示第一次評審珠寶,足足花了一小時去睇繪圖及成品,發現現時中學生的設計達國際水平,並希望香港能有多點機會給他們發揮。Kathy亦有試過與兒子在母親節參與珠寶首飾設計,她直言對設計珠寶感興趣:「我覺得襯吓飾物幾特別,又突顯到個性,加上現時多咗平台睇到自由發揮嘅嘢,都想將來有自己嘅設計。(想唔想有自己品牌?)頭先都有同Dennis(陳瑞麟)傾過吓,依家好興親子嘢,我都好有興趣,希望可以成功。」

    問到兩個兒子Jacques及Avner有否畫過首飾給她,Kathy笑言:「大仔(Jacques)開始鍾意畫嘢,佢話『媽咪,poopoo(便便)』,人哋小朋友平時畫花、太陽咁,佢好特別好有創意,笑到我肚痛。」

    講到明天是萬聖節,Kathy大爆已提早於上周五舉行派對:「大仔就第一次參加呢啲,佢之前睇到南瓜同糖會係咁問我咩嚟,我就畀啲關於南瓜嘅卡通佢睇,佢唔驚得嚟,仲好鍾意啲鬼嘢,例如巫婆、蜘蛛同黑貓,話要扮Monster,對呢個節日都好有深刻印象。」

    她表示Jacques近幾日經常拿着南瓜籃扭計要求食糖:「係咁同我講『candy,candy』,當然我話再扭計要食糖就帶佢睇醫生,佢就好驚,而細仔好得意,任我魚肉扮啲特別嘢。(佢哋扮咩?)扮殭屍,細仔扮中式,而大仔就扮西式。」

    (on.cc東網)

    SHARE