林志穎婚後育有三個囝囝，一家五口幸福美滿。
眾所皆知林志穎非常熱愛賽車，不時都參加比賽，不過唔知道孖仔Jenson同Kyson係咪都受到爸爸影響，一樣都咁鍾意車！
呢日林志穎就喺社交網上載咗Jenson同Kyson嘅相，相中見到兩個小朋友唔單止戴晒cap帽兼穿上一身賽車造型示人，仲要每人揸住一架車，個look真係冇得輸呀！
其中一張相仲見到佢哋大擺甫士，不知幾型。
難怪唔少網民都大讚Jenson同Kyson都萌到爆，仲話第時一定會好似爸爸一樣揸車咁叻呀！
(on.cc 東網)
【有其父必有其子】林志穎孖仔Jenson、Kyson做萌爆車手！
