【講起大仔同細女】陳豪大爆「某方面」似足媽咪

藝人陳豪與太太陳茵媺(Aimee)於環球貿易廣場出席智能手機發布會,Aimee身穿黑色低胸吊帶連身裙,非常搶眼。二人接受訪問時,被問到是否有很多夫婦檔活動,陳豪笑說:「係呀!愈嚟愈多!(有幾多個?)都仲傾緊,都幾多嘅,多啲嚟密啲手,辛苦啲都冇所謂。(會唔會兩公婆一齊拍廣告?)都有人問,睇吓有冇機會啦!乜嘢產品都有可能。」

小朋友難搞

至於會否一家五口一齊出鏡,陳豪說:「嘩!依家小朋友未係時侯,就算叫佢哋影相都有問題,一個望嘅時候第二個去咗玩,我都要花15至30分鐘,先成功影到一張全家一齊望鏡頭嘅相,所以廣告要遲啲,等佢哋大個啲。」

囡囡勁嬌嗲

Aimee又謂喜歡幫子女打扮,萬聖節亦有去玩。問到是否細女現時比較乖,他們說:「個個都乖,不過男仔比較好動啲,因為我哋兩個都好活躍,小朋友都唔弱。」陳豪指細女Camilla較嬌嗲,兩個仔則較活躍:「細女攬到我好實,好有愛嘅感覺,講唔到出嚟。」而Aimee指大仔都嗲,陳豪即說:「似足媽咪。」

問到是否不再介意性感出席活動,Aimee:「都唔係好性感,係健康嘅性感。好開心可以出嚟着靚衫。」陳豪得戚笑說:「回復狀態係要騷吓。(管佢衣着?)靚行先,唔好特別賣弄性感。」

(蘋果日報 / 東方日報)