【終於公開戀情?】杜如風:To Baby

今日係藝人黃又南嘅生日,曾經同佢傳過緋聞嘅藝人杜如風喺社交網站上載二人合照,祝佢生日快樂!其實杜如風同黃又南嘅緋聞已經傳咗好多年,而女方之前亦唔避嫌咁邀請男方為自家品牌站台。

今日杜如風再喺社交網站上載同黃又南嘅合照,相入面二人搭住膊頭,女方就拎住送畀男方嘅生日禮物,仲留言話:「祝生日大大大大快樂!」

不過眼利嘅網民就發現禮物盒上面寫住:「To Baby」,追問佢哋係咪終於公開,仲紛紛祝福佢哋早日結婚!

(on.cc東網)