【胡說八道探BB~】杏兒媽媽生日快樂﹗BrendanBB肥肥白白~

    藝人胡杏兒今日(6日)38歲生日,上個月佢為老公李乘德生咗囝囝Brendan後,就一直喺屋企坐月。咁坐月點過生日好呢?杏兒梗係約埋一班好朋友、咪即係胡說八道會一班成員,好似胡定欣、李施嬅、胡蓓蔚、姚子羚、黃智雯一齊慶祝啦。相信一班成員為咗遷就坐緊月嘅壽星女胡杏兒,就齊齊去咗杏兒屋企慶祝。

    生日派對個主題係以睡衣為主題,每位成員都着晒不同類形嘅睡衣出席,仲好大膽咁素顏上陣,其中姚子羚更唔介意以「表哥」小眼睛示人,認真大方!而胡蓓蔚則手抱連一個月都未夠嘅Brendan,仲撳住佢個額頭仔話Brendan教緊佢哋擺甫士。

    李施嬅喺社交網上載咗生日會照片,仲留言話:「Happy birthday to偉大媽媽Myolie (胡杏兒)!見到你完全充滿愛,完全付出給BB和身邊的人,有點心痛你的辛苦但是很感動的。今年生日特別有意義,等我哋一齊陪你坐月啦。baby Brendon實在太搞鬼,表情多多,見到一班契媽的坐月妝都冇眼睇。Healthy and beautiful and happy always.#胡說八道會」

    (東方日報)

    SHARE