岑麗香性感現身《汪明荃50周年世紀盛宴》。
有傳媒打趣她近日改行性感路線，香香笑答：「乜我淨係呢排咩？咁着好靚，而且又啱場合。」
問到老公有睇過呢身打扮，香香表示：「有呀，佢都話靚，接受到都唔係壞事，況且性感得嚟健康，我係成熟型性感。」
談到好友王君馨被拍得購入性感內衣，似為生B做好準備。
香香謂﹕「睡衣唔一定係生B嘅。」、「結完婚好自然就會講呢啲話題，但我唔知佢係咪準備好生。其實基督徒好多話題，都有講呢啲。女人都會準備，我就放喺屋企，人妻係要有準備。」
當被問到準備送甚麼給汪明荃時，香香表示未有準備，但會上台與阿姐玩遊戲，重演對方經典演出片段。
(on.cc 東網)
