【光棍節做人妻】今天早上正式登記結婚!

    11.11係光棍節,同時係台灣女星蕭淑慎登記結婚嘅大日子。

    40歲嘅台灣女星蕭淑慎後日生日,最大嘅生日禮物,應該係今日同細14年嘅26歲男友梁軒安登記結婚。

    兩人上年12月先被發現指拖,無耐就喺ig貼出多張親密合照認拍拖。今年1月男方仲以450字撰文求婚。

    台灣傳媒今朝9點半,見到兩人去到登記結婚,等待過程中交頭接耳,完成手續後就蹺實老公手臂離開去食早餐。

    蕭淑慎之後再喺ig同facebook都有貼出結婚證書同三個笑臉圖案,佢回覆台灣傳媒時就話:「謝謝,謝謝。」

    (Apple Daily)

     

    SHARE