【好錫妹妹中妍】郭晶晶4歲仔仔中曦有運動天分!

「跳水皇后」郭晶晶與老公霍啟剛出席晚宴,提到日前結婚五周年,霍啟剛表示有食飯慶祝,晶晶直言對禮物滿意。

霍啟剛隨即說:「應該呢幾年都滿意啦,唔止禮物。(係咪覺得太太好好?)梗係啦!五年有兩個小朋友,好開心,小朋友都大個,時間過得好快。(會努力追多個?)順其自然,細嗰個仲細得六個月。」

問女兒霍中妍是否好識冧爺爺嫲嫲,晶晶說:「佢年紀仲細,我哋都覺得好得意好開心。」霍啟剛透露女兒並不是經常哭,是一件很好的事。

郭晶晶表示仔仔霍中曦很疼錫妹妹,霍啟剛又透露仔仔比較活躍喜歡做運動。

「佢鍾意踢波,同埋都趁佢4歲幾帶佢出去睇跳水、體操同龍舟等,要帶佢親身睇先知道咩事同感受,嗰時睇體操以為佢會瞓着覺,點知睇到9點都冇事。(有冇畀佢睇媽媽比賽?)冇,但可以嘅,依家網上咁方便。(捨得畀佢訓練?)未知,睇佢興趣,逼佢冇幸福。(會畀佢去外國足球學校訓練?)Send佢畀細佬Train,佢鍾意踢波,每星期都有踢,都有天分。」

(on.cc 東網)