【抱波仔練臂力】胡諾言好多謝太太

藝人胡諾言在沙田出席長跑活動,身為「Crazy Runner」成員的他,指好開心可以將跑步這個興趣變成工作一部分。他說:「因為要做訪問,所以只能跑2.5公里賽事。(冇難度?)志在參與啫!」

問到太太陳琪有否受他影響而愛上跑步?他即笑謂:「最遺憾真係感染唔到佢!但都好多謝佢照顧屋企,等我追夢,年尾都有好多有關運動嘅商演,都要多謝太太。」

他又笑指抱一歲的囝囝可以練到臂力。問會否除衫騷肌晒成果?他就指長跑運動會令身體變得偏纖幼的鋼條身形:「公司大把大隻仔啦!」

(東方日報)