台灣藝人徐熙娣（小S）向來以「國際美人」自居，不過最近佢身邊出現咗新嘅競敵，就連小S本人都話受到威脅，究竟係咩人咁厲害？
就係佢嘅大女許曦文（Elly）同埋二女許韶恩（Lily）啦！呢日小S同屋企人一齊去睇兩個女演出，仲喺社交網上載同佢哋嘅合照。
相入面見到佢兩個女亭亭玉立，化起妝上嚟，仲有幾分超模嘅感覺，唔怪得小S都留言：「我的後半生，要如何過呢？」
不過身為「國際巨星」嘅小S當然唔會咁易認輸，佢再晒出自己着住白色晚裝嘅靚相，同兩個女一較高下！
(on.cc東網)
【兩個囡囡勁有超模風範】小S：我的後半生要如何過呢？
