【小周周側面曝光】昆凌一手抱一個超溫馨

    「天王嫂」昆凌分別喺2015年及今年為老公周杰倫(周董)誕下囡囡(小周周)及囝囝(小小周),一家四口非常幸福!

    早前佢哋仲一家飛到美國,原來兩個小朋友都有同行添!

    昆凌喺facebook上載三人合照,留言:「該回家囉!」見到昆凌一手攬住一個,家姐小周周跪喺地上挨實媽咪,而細佬小小周就被昆凌抱住,不過隻手仔搭喺家姐膊頭,而昆凌就低頭望住兩個仔女,一面滿足,畫面勁有愛!

    雖然都係見唔到仔女正面樣,但細心睇就見到小周周側面露出鼻同嘴!網民都留言:「也算是看到Hathway(小周周)的臉了」又笑言:「仔細看可以理解成二寶寶推大寶寶,不要跟我搶麻麻(媽媽)!」

    而周董雖然冇晒仔女合照,但佢就去咗撐喺加拿大溫哥華舉行巡唱騷嘅陳奕迅(Eason),仲喺facebook上載合照添!

    (on.cc東網)

    SHARE