【已為9歲囡囡買定樓】方中信:佢當我冇料到

    藝人方中信、衛詩雅和王卓淇在尖沙咀出席活動,其中衛詩雅以透視裝晒出纖腰,非常養眼!訪問時,一向有投資股票、樓市的方中信表示不認為下年資產市場會大跌,並揚言就算會跌亦好快會復原。

    問到有否為九歲女兒投資?他即笑指為她儲定「古董車」:「過多幾年就係古董!」之後他坦言已經為女兒買樓:「做父母都要畀子女一個安心,雖然依家個樓市實在太瘋狂。」

    另外,問到方中信有否照顧女兒的學業?他即笑指睇到對方的功課便頭痕,好彩老婆搞得掂。他又笑謂女兒不怕他,就算他將女兒鬧得好狠,女兒亦表現到愛理不理:「佢當我冇料到,睬我都傻!(發揮唔到戲中嘅嚴肅?)話明係做戲嘛!(你負責錫佢?)都要適可而止,唔可以錫到有公主病。」

    (on.cc東網)

    SHARE