【有片】李蘊囡囡啜住奶嘴打鼓超可愛

藝人李蘊(Renee)婚後誕下愛女羅紫晞,向來有女萬事足嘅Renee,不時都會喺社交網站分享囡囡嘅生活照。

日前佢就上載咗幫晞晞慶祝一歲半生日嘅相,相中嘅晞晞身穿粉紅色嘅裙仔坐咗喺枱面,而且仲要拎住粒士多啤梨喺度食,相當可愛!

除咗同囡囡慶祝生日之外,Renee仲上載咗一段晞晞打鼓嘅片,人仔細細嘅晞晞一邊聽住音樂,一邊打鼓,相當有節奏感,而Renee亦有留言讚晞晞:「都有幾下拍子係準㗎!」

唔少網民都話晞晞遺傳咗媽媽嘅音樂細胞,亦有人笑言晞晞應該係聽得多媽咪嘅好友鄧紫棋(G.E.M.)嘅歌,所以先至會咁有節奏感喎!

(on.cc東網)