陳嘉倩被爆與金毛凸腩男友陳志遠拍拖，男方即被起底，指曾戀無綫新晉小花朱婉禎及前有線球彩台前主播、現任馬評人及六合彩主持嘅陳思琦(Rita)，陳思琦喺2013年被指遭前男友陳志遠上門禁錮12小時，兼持刀要脅同歸於盡，判被告入獄兩年四個月。
但早前陳思琦接受訪問，就否認係陳志遠嘅前女友，稱當時兩人只涉金錢糾紛。陳思琦當年受盡驚嚇，常發噩夢，但現在已事過境遷，佢日前就同圈外男友拉埋天窗，喺洲際酒店擺酒。
陳思琦同埋圈外男友擺34圍，現場有好多位畀賓客影相，仲有樂隊表演。
新娘子就手戴十幾隻龍鳳鈪，頸上面仲有好多金器，氣氛相當高漲。去到上台影相嘅時候，新娘子顯得好開心，不時仲會問邊啲親友未影相，叫佢哋上台影相。
(蘋果日報)
