【關心妍訴苦】媽媽確喺唔易做﹗

    歌手關心妍(Jade)現身電台宣傳將於12月16日舉行的慈善晚宴,接受訪問時,Jade透露兩個幾月開始賣枱到依家已經賣晒,所以好感謝各方好友。而現時就進入第二階段,準備籌備晚宴節目,並希望能夠籌到300至400萬善款。提到晚宴拍賣,Jade笑言:「有啲新嘅idea,要個artist拍賣時間,好似行山或者食飯團,都可以諗吓。或者我可以一齊做gym三個鐘、煮餐飯、焗蛋糕、湊小朋友,所有同我個女做嘅都得。」Jade指好希望令大家關注有情緒問題及抑鬱症嘅人,畀多啲關心出嚟去關心身邊朋友。

    另外,問到最近忙於籌備晚宴可有少咗時間陪愛女,她指盡量都會抽時間陪愛女:「不過佢見少咗我,好似唔係好so我咁。」

    (東方日報)

    SHARE