【同網民一齊倒數!】影唯美大肚寫真

藝人賴慰玲自從懷孕後,不時都同網友分享佢嘅懷孕點滴,之前佢仲同大家講已經踏入懷孕嘅最後一個月添,相信心情都愈嚟愈緊張。

不過話晒都係第一次做媽媽喎,當然就要拍懷孕寫真做留念啦,賴慰玲喺社交網同網友分享佢嘅孕照,見到佢穿上一件喱士裝,雙手摸住個肚,畫面有愛,佢仲留言表示:「I am ready!最近問咗好多身邊的媽媽/朋友,每個人的作動情況都大不同,每個故事都好深刻獨特興奮,我希望 #一個即食麵 #一杯奶茶#一天一天 #令人興奮 #性感演繹」

言詞間都感受到佢幾咁期待BB嘅來臨,唔少網友留言大讚張相好唯美,仲話同賴慰玲一齊倒數BB嘅蒞臨添!

賴慰玲接受東網電話訪問,佢話起初未有諗過影得咁性感,佢話:「由於攝影師係我一位女性朋友,我就好放心交咗畀佢,我覺得係安全嘅,就係咁愈影愈性感,呢啲係健康性感嚟嘅,係表達出孕婦嘅線條。」

對於有網友話佢再度發育,身材更為出眾,佢話:「個網民就係何雁詩,佢妒忌我有完美身材。」

(on.cc東網)