孫慧雪今年7月誕下愛兒Riley，自此專心相夫教子做賢妻良母。
為咗做好媽媽本分，佢真係好落足心機㗎！
雪雪BB上載咗一段短片，見佢喺床上面好細心咁同四個月大嘅Riley講故仔，講乜故仔？咪就係大家兒時都聽過嘅龜兔賽跑囉。
雪雪BB慢慢一字一句咁講，雖然唔知仔仔聽唔聽得明，但佢都好畀心機咁講，仔仔就不停畀反應，真係好心有靈犀咁。
見到仔仔交晒反應，雪雪都講得好開心，所以佢就留言：「Bed Story time，bb俾足反應，係咪真係明㗎，bedstory，比達頭。」
(on.cc 東網)
【雪雪媽媽講故仔】囝囝Riley畀足晒反應 勁可愛！
