周杰倫同老婆昆凌喺2014年結婚後育有大女小周周（Hathaway）及細仔Romeo，短短三年間湊成一個「好」字！
喺今年6月誕下第二胎嘅昆凌產後已經極速復工，不過一有時間佢都會陪一對仔女同照顧佢哋。
呢日，佢透露自己變咗「Crazy Mama」，事關佢去咗Shopping，結果一發不可收拾！
昆凌晒出一大堆戰利品相，見到相中有10樣嘢，幾乎全部都係衫，當中仲包括有皮褸添，不過，件件衫都係昆凌買畀仔女嘅，而佢自己就一件都冇。
佢留言：「好喜歡大人衣服變小孩size😍 #crazyshopping #mandontunderstand」
網友見到後都話啲衫仔好可愛，仲大讚昆凌係潮媽！
(on.cc 東網)
