【淼淼拎住個名牌袋唔放手】老公驚囡囡有公主病

    做咗人母嘅吳若希(Jinny),同老公Alex人前人後都咁恩愛,無論喺社交網定係公開場合,都係放閃無極限,一家三口非常幸福!

    不過呢日Alex就似乎有「怨言」,話驚個女淼淼大個有公主病呀!

    佢喺Instagram上載咗囡囡坐喺一個人大髀上,而呢個人雖然見唔到樣,但相信係Jinny嚟!而淼淼雖然人仔細細咩都唔識,但係就識名牌知道係好嘢,拎住個名牌包包唔放手。

    Alex就留言tag住「希望大個不要有公主病」、「如果屋企入面有兩個公主病會好辛苦」,咁大膽暗嘲老婆有公主病?咁樣講Jinny會唔會嬲嬲豬㗎?仲有網民趁機叫佢生多個仔呀!

    (on.cc東網)

    SHARE