「TVB馬來西亞星光薈萃頒獎典禮2017」最喜愛TVB女配角由藝人姚子羚憑劇集《同盟》奪得，姚子羚上台前與劇集拍檔陳山聰擁抱，然後便上台發表得獎感言。
她說：「我驚我又喊，多謝TVB，多謝我嘅Fans，多謝我馬來西亞嘅Fans，多謝我嘅姊妹，仲有漏咗我嘅拍檔陳山聰，冇你冇Kate（同盟角色名），好多謝監製，有不一樣嘅姚子羚。」
講到呢度，姚子羚已經忍唔住喊，兼邊喊邊講：「呢一年係姚子羚好難忘嘅一年，之前姚子羚塊面受傷，令到有段時間我唔能夠拍劇（指去年被所領養狗隻咬傷），但公司冇怪我。嗰時我每日照鏡見到條疤痕，我覺得係一個經歷，希望大家唔好放棄領養動物。另外，我亦都要多謝另一半（男友鄭子邦），人生無常，大家要學識感恩，學識要活在當下。」
而台下的陳山聰、胡定欣及胡蓓蔚聽到姚子羚得獎感言時亦齊齊落淚。
(on.cc東網)
