【大肚熊黛林都喺到!】郭可盈:非常不捨

    藝人郭可盈自從做咗媽媽後就專心相夫教子,不過會閒時出席活動,大家都讚佢保養得宜!而聽日(27日)就係佢47歲生日,尋晚佢就同家人提早慶祝,同囡囡「津津」咀嘴!

    佢哋仲順道為家傭姐姐餞行,令佢兩母女都大嗌不捨呀!

    郭可盈喺微博上載多張相,佢留言:「昨晚提前和家人慶祝生日,但同時亦要和我的工人妹妹道別了,我和津津都非常不捨、不捨和不捨啊!但另一方面也很替她結婚而高興!衷心祝福她永遠幸福美滿💕!健康愉快!​」

    相中見到佢同家傭感情非常好,津津仲攬實對方,似足一家人咁,網民都話感受到好有愛!而即將47歲嘅郭可盈依然Keep得非常好,網友亦留言讚7歲嘅津津愈大愈靚!

    另外,郭可盈細佬郭可頌同佗緊BB嘅老婆熊黛林(Lynn)都喺度,不過就唔見老公林文龍,唔知係咪正日先為老婆慶祝呢?

    (on.cc東網)

    SHARE